Her er Tom Cruise i Loen
Skodespelarstjerna har truleg flydd paraglider i nordfjordbygda.
Skodespelarstjerna Tom Cruise blei observert i Loen i Nordfjord tysdag.
Fjordingen observerte Cruise i nærleiken av Hotel Alexandra. Der blei han frakta vekk i helikopter.
Truleg flydd paraglider
Ifølge avisa har skodespelaren truleg flydd i paraglider frå Hoven saman med ein annan person.
Ein video som avisa har publisert viser det som truleg er 61-åringen i lufta over Loen.
Sjef ved Hotel Alexandra, Richard Grov, vil ikkje kommentere saka overfor lokalavisa.
Ikkje første gong
Tom Cruise har vore på norsk jord fleire gongar tidlegare, i samband med fleire filminnspelingar.
I 2017 var han på Preikestolen for å spele inn ei scene til den sjette «Mission: Impossible»-filmen.
I 2020 var Cruise i Møre og Romsdal i samband med innspeling av den sjuande filmen i serien. Då hoppa han med motorsykkel frå Helsetkopen på Hellesylt. Han tok i bruk heile åtte motorsyklar under innspelinga av scena.
I 2022 var han på Svalbard for å spele inn delar «Mission: Impossible» nummer åtte.